قصيدة من مجهول أهداها إلى زوج حبيبته ليلة الدخله

حناني جناني · 06-25-2009, 11:56 PM

أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـيله معذبتي

ترى لولا الظروف اللي عطّـتك وحدّت محاكيك
قســـم بالله مـــا تدخل عليــها لو على رقبتي

ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي

كذا شـاءت بنا الأقـــــدار تحرمني لجل تعطيك
كذا لازم عشــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي

أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي

لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك
وشاغبها إلــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي

وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّـــبتي

وانا مجنونها اللي مـا نساهــــــا وانت مايمديك
تغــطي ذكريـــاتي.. في هواهـا و ربع تجربتي

أحس اني تماديت بكلامي,, والغضب حـاديــك
ولو انك في مكاني ما تفكر في محــــــاسبتي

كفاك اني تركت الليـــله أشغالي عشان أجيك
دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي

توصّــــى .. وانتبه.. واحرص عليها والله يهنيك
ترى كل الكلام اللي طلع من ضيقي وكبــتـــي

ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي

ابوايمن · 06-26-2009, 12:41 AM

لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي

مشاء الله عليك كلام حساس

تسلم يمينك وصح لسانك وننتظر جديدك

حناني جناني · 06-26-2009, 02:19 AM

مشكوور اخوي ابوأيمـن على المرور

وصح بدنكـ

سيف فلسطين · 06-30-2009, 01:43 AM

تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي

كلمات روعه من كاتب مبدع وقلم مميز
بارك الله فيك

حناني جناني · 07-01-2009, 02:29 AM

المميز مرورك يالغلا

مشكوور سيف حبيبي

himo · 07-01-2009, 02:33 AM

صح لسانك
وتسلم على القصيده

وتقبل مروري

سيمو · 07-09-2009, 04:30 AM

صــــــــــــح لســــــانك
وتســــلم على القصــــيده

وتقابل تحياتي/
سيـــــــــــــــــــمو

فـ k.s.a ـوٍآزٍ · 07-25-2009, 09:34 AM

يــــعطيـك ربــى ألف ع ـــآفيه على الشــعرٍ الـرٍآئـع والأختيآر الأروٍع

وردة البنفسج · 09-15-2009, 12:51 AM

يسلموووووووو شعر ولااروع

الله يعطيك الف عافيه ع النقل المميز

أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي
وشاغبها إلــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي طاريك

يسلمووووووو حلوه

مع تحياااااااااااتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء