01-10-2009, 07:38 AM
|
#1 (permalink)
|
|
ملاكـ موهوب
|
يابوي وينـك
|
|
يابوي وينـك عذبتنـي الليالـي ؟؟
ليتك تشوف الحال وشلون منصـاب
ليتك تشوف الهم وأوضـاع حالـي
ليتك تشوف الدمع وشلـون سكـاب
ليتك تشوف اللـي بعدكـم جرالـي
حتى الفرح يابوي وياك قـد غـاب
أمشي و أنا يابـوي همـي ظلالـي
وأخفيت جرحٍ يايبه مابعـد طـاب
جرحٍ مـع الايـام لامـن طرالـي
سالت دموع العين من بين الاهداب
ساعة رحيلـك يابعـد كـل غالـي
انهار حلمي وانكسر قلب معطـاب
خاوتني الحسره وحزنـي غدالـي
اوفا صديقٍ لي من دون الاصحـاب
واوفت لي العبره وضيقـي وفالـي
وعايشتهم يابوي في ديرة أغـراب
يابوي شفت الويـل وانـا لحالـي
تركتني للوقـت ولضيـم الاقـراب
العيش دونـك والزمـن ماهنالـي
موحش بدونك يابعد كـل الاحبـاب
واجهت انا الدنيـا بكـل أحتمالـي
أسد بـاب وتنفتـح بعـده أبـواب
أعيش في حزنـي وهـمّ ارتحالـي
أشيل حمل جبال يابـوي وهضـاب
مالي عضيدٍ فـي حياتـي موالـي
أنخاه لاضاقت معي كـل الأسبـاب
آخـذ برايـه لا تسكـر مجـالـي
وفيه أعتزي كان الزمن كشر الناب
مالي سند غيرك ولا لـي ولا لـي
غيره سواء المعبود هو رب الارباب
أرجيه سبحانـه عظيـم الجلالـي
يرحمك ياعرب السلاله واالأنسـاب
وينزل على قبرك حقـوق الخيالـي
ويجعل عليه الخير والوبل ينسـاب
ويجعل مقامك فـي جنـانٍ معالـي
وينجيك من شر الهوايل والاصعاب
| التوقيع |
 بل اجعله مملكة لشخص واحد فقط |
|
|
|
|
« آخـــر الــمــواضــيــع »
الإهداءات
رد: يابوي وينـك
العرض العادي
